Zbulohet qyteti 3000-vjeçar në Egjipt, vlerësohet si një nga gjetjet më të rëndësishme arkeologjike
Pas disa muajsh kërkimesh në Egjipt është bërë një zbulim shumë i rëndësishëm. Një qytet antik që kishte humbur në rërë është zbuluar dje dhe vlerësohet si një nga gjetjet më të rëndësishme arkeologjike.
Një nga zbuluesi e këtij qyteti 3 mijë vjeçar ka deklaruar se rrënojat arkeologjike janë zbuluar pranë Luxor dhe tha se kërkimet kanë nxjerrë në dritë “qytetin e artë të humbur”.
Ai tha se gjetja ishte qyteti më i madh antik, i njohur si Aten, i zbuluar ndonjëherë në Egjipt. Gërmimet për zbulimin e qytetin antik kanë nisur që në Shtator të vitit të kaluar.
Vendbanimi daton në mbretërimin e Amenhotep III, një nga faraonët më të fuqishëm të Egjiptit, i cili sundoi nga 1391 në 1353 para Krishtit.
Qyteti po ashtu vazhdoi të përdorej nga faraonët Ay dhe Tutankhamun, varri gati i paprekur i të cilëve u zbulua në Luginën e Mbretërve nga arkeologu britanik Howard Carter në 1922.
Betsy Brian, profesor i Egjiptologjisë në Universitetin John Hopkins në Baltimore, SHBA ka deklaruar se tashmë me këtë zbulim kërkuesit do të kenë prova të reja dhe të vlefshme për jetën e egjiptianëve të lashtë.
/tvklan.al