Ndeshja e djeshme mes Interit dhe Juventusit ka sjellë një përmbysje spektakolare nga “Zonja e Vjetër” e cila fitoi me rezultatin 2-3 në minutat e fundit të ndeshjes.
Golin e fitores për Juven e shënoi Gonzalo Higuain në minutën e 89-të.
Kjo humbje mund t’i kushtojë Interit mbetjen jashtë zonës së Ligës së Kampionëve.
Me këtë fakt nuk ka mundur të pajtohet kapiteni i Interit, Mauro Icardi, i cili pas ndeshjes ka shpërthyer në lot.
Megjithatë mediat italiane i kanë komentuar ndryshe lotët e tij.
Ky mund të jetë sezoni i fundit i Icardit në fanellën e Interit, i cili me shumë gjasë do të transferohet në një skuadër që garon në Ligën e Kampionëve.
Kjo ka bërë që ai të kuptojë se aventurës së tij te zikaltërit po i vjen fundi dhe për këtë nuk ka mundur dot të përmbahet.