“Zbërthehet” mumja e faraonit Amenhotep në mënyrë dixhitale
Ekspertët e udhëhequr nga Universiteti i Kajros, ishin në gjendje të përdornin tomografinë e kompjuterizuar (CT) për të krijuar rikonstruksione 3D të faraonit poshtë fashave.
Mbetjet e mumifikuara të faraonit egjiptian Amenhotep
KARIO- Një universitet në Kario ka mundur të analizojë mbetjet e mumifikuara të faraonit egjiptian Amenhotep në mënyrë dixhitale në mënyrë që të mos prishnin sarkofagun e tij, duke e bërë atë të vetmen mumje mbretërore egjiptiane të gjetur në shekujt 19 dhe 20 të pa hapur ende për studim.
Kërkimi shkencor u drejtua nga Sahar Saleem, një profesor i radiologjisë në Universitetin e Kajros dhe egjiptologu i njohur Zahi Hawass, një ish-ministër i antikiteteve, e zbuloi që faraoni Amenhotep ishte i pari i mumifikuar me krahët e kryqëzuar he i fundit që nuk i është hequr truri nga kafka para mumifikimit.
“Duke zbërthyer në mënyrë dixhitale mumjen dhe ‘hequr’ shtresat e saj virtuale, maskën e fytyrës dhe fashat ne mund ta studiojmë këtë faraon të ruajtur në mënyrë unike” – tha Dr. Sahar Saleem.
Ekspertët e udhëhequr nga Universiteti i Kajros, ishin në gjendje të përdornin tomografinë e kompjuterizuar (CT) për të krijuar rikonstruksione 3D të faraonit poshtë fashave. Ata zbuluan se faraoni ishte 35 vjeç si dhe dhe 169 centimetra i gjatë kur vdiq rreth tre mijë vjet më parë. Studimi nuk zbuloi ndonjë plagë apo shpërfytyrim që do të shpjegonte shkakun e vdekjes së tij.
Amenhotep i sundoi Egjiptin për rreth 21 vjet, midis 1525 dhe 1504 para Krishtit. Ai ishte mbreti i dytë i dinastisë së 18-të dhe pati një mbretërim kryesisht paqësor gjatë së cilës ai ndërtoi shumë tempuj.
(A.T/Dosja.al)