Ardhja e Bledi Shkëmbit në krye të pankinës së Teutes mund të bëjë që të durrsakët të vijnë edhe emra të rëndësishëm të futbollit tonë.Një prej tyre është pikërisht edhe Endri Vrapi. Ish-mbrojtësi i kombëtares shqiptare është shumë pranë rikthimit në Durrës ku më parë ka luajtur në sezonin 2005-2006. Vrapi dhe Shkëmbi kanë qenë pjesë e Lirisë në sezonin e fundit në Kosovë.
Vrapi është një lojtar me eksperiencë të jashtëzakonshme në futbollin tonë ku është aktivizuar me ekipe si :Tirana, Vllaznia, Skënderbeu, Besa apo edhe Partizani. Tashmë në vitet e fundit të karrierës së tij ai kërkon edhe një tjetër aventurë në Superligën e vendit tonë.