Tronditja e madhe që shkaktoi vdekja e 31-vjeçarit në opinionin sportiv, e bënte të pamundur zhvillimin normal të ndeshjeve të sotme.
Nesër Liga Italiane e Futbollit pritet të mblidhet për të diskutuar mbi datat e mundshme, për të zhvilluar ndeshjet e mbetura të javës së 27, mes të cilave edhe derbi Milan-Inter.
Kështu opsioni i parë është që takimet e mbetura të luhen më 9 Maj, datë që përkon me finalen e Kupës, por që do të zhvendoste këtë të fundit për një tjetër datë.
Gjithashtu, ekziston edhe opsioni që ndeshjet të zhvillohen më 14 Mars, por në këtë datë nuk mund të zhvillohen ndeshjet Milan-Inter për shkak të angazhimit të kuqezinjve në Europa League dhe Sampdoria-Atalanta, pasi bergamaskët do të rikuperojnë ndeshjen me Juventusin.
Kështu, mundësitë më të mëdha janë që derbi i Madonninës të shijohet më 9 Maj, ndërsa finalja e Kupës të zhvendoset për më vonë./supersport