Në Sërbi e mbajnë mend mirë golin dhe festën e Xherdan Shaqirit me shqiponjë në kampionatin botëror.
Shorti i Champions League ka vënë përballë Liverpulin dhe Crvena së Zvezdën. Shaqiri do të shkojë në Beograd dhe atje nuk do të jetë aspak i mirëpritur.
Ndërkohë në lidhje me provokimet e mundshme nga lojtari me origjinë shqiptare, ka folur drejtori i përgjithshëm i skuadrës së Crvenës së Zvezdës.
Ai ka deklaruar se nuk ka shanse të ndodhin pasi Shaqiri e di mirë se ku po shkon. Madje sipas tij, Shaqiri mund mos shkojë fare.
Ai shprehet:
“Nuk besoj! Mendoj se ai do të jetë nën presion të madh psikologjik sepse e di se ku vjen. E di se Crvena Zvezda është simbol i Serbisë, ndërsa do të luaj në Marakanën e nxehtë. Nuk e di nëse do të vijë njëherë. Normalisht, si klub futbolli patjetër duhet të presim njëlloj çdo rival tonin. Nuk duhet të merremi me të kaluarën dhe historinë. Crvena Zvezda duhet patjetër të ndiejë se Shaqiri ka ardhur të luaj futboll. Detyra jonë është ta mbrojmë nga situata të padëshiruara. Të jemi pritës të mirë!”
The post Shaqiri i provokoi në Botëror, drejtori serb: Ai e di mirë se ku po vjen appeared first on Lajmi i Fundit.