Samsung është bërë gjiganti i parë teknologjik që do të prezantojë një unazë inteligjente e cila mund të gjurmojë gjumin, lëvizjen dhe rrahjet e zemrës.
Kompania njoftoi unazën Galaxy si pjesë e teknologjisë së saj më të fundit, së bashku me një Galaxy Watch Ultra.
Unaza është planifikuar të prezantohet më vonë këtë muaj, me një jetëgjatësi baterie deri në shtatë ditë, shkruan skynews, përcjell Telegrafi.
E ofruar në tre ngjyra – ari, argjend dhe të zezë – unaza përdor Al për të analizuar të dhënat biometrike të mbledhura nga personi që e mban pajisjen dhe lidhet me aplikacionin shëndetësor Samsung.
Më pas, ajo ka aftësinë të vlerësojë mirëqenien e një individi dhe të jap rezultate e rekomandime si një trajner virtual i fitnesit.
Vendimi për prezantimin e unazës është quajtur “bast interesant” nga eksperti i industrisë dhe analisti Ben Wood.
“Është një makth logjistik duke pasur parasysh se unazat inteligjente zakonisht vijnë në madhësi të ndryshme dhe ngjyra të shumta”, tha Wood.
Ai vlerëson se gjithsej katër milionë unaza inteligjente do të shiten deri në vitin 2025. /Telegrafi/
