Presidenti rus Vladimir Putin ka ndaluar martesat e gjinisë së njëjtë dhe birësimet transgjinore, duke i dhënë një “goditje” mjaft të fortë komunitetit të LGBT-së, pasi sipas tyre i ka privuar të drejtat. Putin ndryshoi zyrtarisht kushtetutën e vendit, pas një referendumi kombëtar në të cilin 77% e njerëzve në Rusi votuan në favor të ndalimit në korrik 2020.Ndryshimet e reja nënkuptojnë se çiftet e të njëjtit seks nuk do të jenë në gjendje të martohen legalisht në Rusi, sepse kushtetuta e vendit tani thotë se martesa mund të ekzistojë vetëm midis një burri dhe një gruaje. Kjo gjithashtu do të thotë që anëtarët transgjinorë të komunitetit nuk do të jenë në gjendje të birësojnë. Kujtojmë, se homoseksualiteti u dekriminalizua për herë të parë në Rusi në 1917, përpara se të rishikohej në 1933 dhe më pas u legalizua edhe një herë në 1993. Sidoqoftë homofobia mbetet ende në vend.