Një 23-vjeçar nga Britania e Madhe pretendon se është “shndërruar” në homoseksual pasi mori disa ilaçe kundër dhimbjes.Scott Purdy thotë se pasi pësoi një aksident me makina “go-cart” theu këmbën dhe mori disa ilaçe kundër dhimbjes.
Ai shprehet për mediat britanike se gjithmonë ka qenë heteroseksual, dhe tërhiqej vetëm nga femrat.
Medikamenti quhet “Pregabalin” dhe përdoret për një sërë arsyesh si dhimbje, ankth epilepsi dhe dhimbje koke. Humbja e libidos dhe lëkundja e gjendjes emocionale janë përshkruar si efekte anësore.
Dhe duket se pikërisht humbja e libidos e ka prekur 23-vjeçarin që thotë se papritur nisi të mos e tërhiqte më e dashura e tij prej 8 muajsh.
Ai u nda nga e dashura e cila e mirëkuptoi por insiston të paralajmërojë të rinjtë e tjerë për rrezikun që i pret.