Njeh 4 gjuhë të huaja, 10-vjeçari autik boton libër me poezi. Tupja: Është pjesa më e mirë e Jamarbrit
Një 10-vjeçar i spektrit autik që disa muaj më parë u shpall lexuesi më i mirë i panairit i librit, ka botuar vëllimin e parë poetik. Fëmija që njeh 4 gjuhë të huaja dhe që është i apasionuar pas letërsisë motivon prindërit e fëmijëve të ngjashëm dhe ndërgjegjëson shoqërinë për vëmendje ndaj atyre që janë ndryshe.
I pranishëm në promovim, përkthyesi e shkrimtari Edmond Tupja, prind i një fëmije të spektrit autik, foli për përvojën personale.
Ndërsa trajtimet e terapitë mbeten të kushtueshme për fëmijët autikë, Tupja tërhoqi vërejtjen ndaj mjekëve psikologë që i shohin ata si klientë dhe bëri thirrje që t’u dhurohet dashuri.