“Edhe pse jemi të dy profileve të ndryshme ne u takuam bashkë gjatë pushimeve në Dhërmi. Aty jemi njohur, kemi shkëmbyer numrat e telefonit dhe shkëndijat e para me njëri-tjetrin. Pastaj rrodhën vetë gjërat. Unë nuk e kisha njohur Redin më parë, sepse s’kisha njohuri nga futbolli pasi jetoja në Francë. E kam parë për herë të parë 6 muaj përpara se të ndodhnin gjërat. Ma prezantuan shoqet e mia, sepse Redi në atë kohë ishte me popullaritet të madh femëror në Shqipëri”, ka rrëfyer Vivian.
Po ashtu, futbollisti u shpreh se një nga gjërat që e bëri më interesante lidhjen e tyre, ishte fakti që Vivian nuk e dinte se kush ishte ai.Sipas futbollistit, në kohën kur ai u njoh me gruan e tij, po përpiqej të largohej nga futbolli dhe takimi me të ishte një bekim.
