“Merre luaj”, telefoni, nxitja e gabuar e prindërve ndaj fëmijëve
Varësia e fëmijëve ndaj aparateve celulare është e dukshme. Natyra dhe zhurma që krijojnë një pjesë e bashkëmoshatarëve të tyre duke luajtur nuk i tërheq. Fokusin e kanë tek lojërat virtuale, duke u larguar gjithmonë e më tepër nga realiteti.
Prindërit e kanë të vështirë t’i shkëpusin nga teknologjia, ndonëse ata janë shembulli që fëmijët ndjekin të imitojnë për të qenë të barabartë.
Sociologët kanë vënë re efektet e para që kanë pësuar fëmijët nga përdorimi i teknologjisë.
Shkaktarë për këto ndryshime te fëmijët sociologët shohin prindërit. Çdo fëmijë sot ka një aparat celular në duar, në mos personal, atë të prindërve. Sociologët shprehen se asnjëherë nuk është vonë që fëmijët të shkëputen nga varësia e botës virale.