Foto ilustruese
Kosova sot feston 14 vjetorin e pavarësisë së saj. Më 17 shkurt 2008, në orën 15:30, në një mbledhje ku morën pjesë 109 nga gjithsej 120 deputetë, Kosova u shpall shtet i pavarur, demokratik dhe sovran.
Shpallja e Pavarësisë ishte kurorëzim i një rrugëtimi të gjatë e të vështirë për qytetarët e Kosovës. Deri në qershor të vitit 1999, qytetarët vuajtën pasojat e spastrimit etnik nga Serbia.
Menjëherë pas këtij vendimi, Kosova zyrtare i dërgoi letra të gjitha qeverive të botës për njohjen e saj. Kosta Rika ishte shteti i parë që njohu Kosovën shtet të pavarur.
Prej vitit 2008, Kosovën e kanë njohur 117 shtete. Njohja e fundit është ajo nga Izraeli më 1 shkurt të këtij viti. Kosova do të festojë këtë përvjetor me një qeveri të re të udhëhequr nga Lëvizja Vetëvendosje, e cila fitoi bindshëm zgjedhjet e parakohshme parlamentare të 14 shkurtit.
Me sloganin "E sollëm paqen bashkë", monumenti i Newborn-it ka ndryshuar pamjen me rastin e 14 vjetorit të pavarësisë. Këtë herë shkronjat janë pikturuar me ngjyrat e ushtrisë dhe simbolin e duarëve. Përmes kësaj synohet që t’i tregohet botës se jemi bashkë, sikur në ditën kur u shpall pavarësia.
Axhenda e aktiviteteve gjatë ditës së sotme
Aktivitetet nisin me ceremoninë e ngritjes së Flamurit shtetëror nga Garda Ceremoniale e Forcës së Sigurisë së Kosovës.
Më pas do të mbahen homazhe në Kompleksin Memorial Adem Jashari në Prekaz, të varri i Presidentit Rugova si dhe tek varrezat e dëshmorëve nëpër komunat e Kosovës.
Manifestimi qendror për shënimin e Pavarësisë mbahet në Forcën e Sigurisë së Kosovës në të cilën do të marrin pjesë presidentja nw detyrw Vjosa Osmani, kryeministri në detyrë Avdullah Hoti si dhe figura tjera publike.
Gjatë kësaj dite po ashtu do të organizohen gara sportive nga federatat e ndryshme te sporteve si dhe do të hapen ekspozita dhe koncerte nga institucionet kulturore në vend.
Disa fakte për ditën e shpalljes së Pavarësisë në Kosovë
1. Pavarësia e Kosovës është shpallur me datën 17 shkurt 2008, në orën 15:39 minuta.
2. Dizenjuesi i flamurit dhe i stemës së Kosovës, Muhamer Ibrahimi.
3. Të parët që nënshkruan deklaratën e pavarësisë së Kosovës, ishin Presidenti Fatmir Sejdiu, kryetari i Kuvendit, Jakup Krasniqi, si dhe kryeministri i vendit, Hashim Thaçi.
4.Shtetet e para që njohën Kosovën si shtet pas shpalljes së pavarësisë ishin: Kosta Rika, SHBA, Franca, Afganistani, Shqipëria, Turqia, Britania e Madhe etj.
5. Pergamena e vjetër 200 vjeçare në të cilën është nënshkruar deklarata e pavarësisë së Kosovës, gjendet në zyrën e kryetarit të Kuvendit.
6.Muzeu i Londrës ishte ai që ia fali Kosovës pergamenën për shpalljen e pavarësisë!
7. Flamujt e parë të Republikës së Kosovës ishin prodhuar në Turqi.
8. Himni i Kosovës, i kompozuar nga kompozitori Mendi Mengjiqi, për herë të parë është kënduar në seancën e shpalljes së pavarësisë së Kosovës.
9.Yjet e bardhë në flamurin e Kosovës simbolizojnë komunitetet e ndryshme që jetojnë në Kosovë, harta e verdhë simbolizon pasurinë e Kosovës, ndërsa ngjyra e kaltër simbolizon Evropën.
Last edited by a moderator:
per pavarsin.
