Llogaria në Twitter e kryeministrit të Indisë u hakua të dielën me një mesazh që thoshte se vendi i tij kishte adoptuar bitcoin si mjet ligjor dhe po shpërndante kriptomonedhën për qytetarët.
Narendra Modi është një përdorues i madh i Twitter dhe është politikani aktual më popullor në botë në platformë, me më shumë se 73 milionë ndjekës në llogarinë e tij kryesore.
Por një cicërimë e fshirë me shpejtësi tha se qeveria indiane kishte blerë zyrtarisht 500 bitcoin dhe po “i shpërndante ato për të gjithë banorët e vendit”, së bashku me një lidhje mashtrimi, përcjell Telegrafi.
Zyra e tij shkroi në Twitter se llogaria ishte “shumë shkurtimisht e komprometuar” dhe se Twitter që atëherë kishte rikthyer kontrollin.
Kjo thuhet të jetë hera e dytë që një nga llogaritë e Modi në Twitter u hakua, pasi një tjetër u godit vitin e kaluar për të dërguar një cicërimë duke i kërkuar publikut të dhuronte para për një fond të rremë të ndihmës për coronavirusin.
Hakimi i së dielës në mënyrë ironike vjen ndërsa India përgatitet të frenojë një tregti të lulëzuar të kriptomonedhave me një ligj të ri që ka të ngjarë të futet në parlament këtë muaj. /Telegrafi/