Ish lojtarët e Barcelonës, Eric Abidal, Hristo Stoichkov, Gary Lineker, Sonny Anderson, si dhe dy legjendat e “Zonjës së Vjetër”, Del Piero e Pirlo, kanë komentuar penalltinë e dhënë në minutën e 93 në dëm të Juventusit që dërgoi në gjysmëfinale Realin.
Hristo Stoichkov: “Ishte penallti, s’ka diskutime. Është e qartë se kishte kontakt, s’ka rëndësi ishte minuti parë apo i 93, kishte kontakt. Këtu duhet fajësuar lojtarët e Juves që në fund të ndeshjes lanë të lirë dy lojtarë në zonë. Ishte penallti”.
Edhe Eric Abidal: “Mendoj se në këtë rast, duhet të akordosh penallti, ka kontakt”.
Del Piero: “Në këso lloje të ndeshjes kemi parë nganjëherë jepen penallti, nganjëherë jo”.
Pirlo: “Gjyqtaria ka mundur të evitojë dhe të mos akordojë, ishte apo nuk ishte penallti. Ka mundur ta evitojë”.
Gary Lineker: “Gjyqtari kishte sigurisht të drejtë, duket qartë, e pamë të gjithë”.
Sonny Anderson: “Për mua, vendimi është i drejtë, Benatia arriti vonë në aksion dhe e pamë se e pengoi Vasquezin ën aksion, kështu që ishte penallti”.