Kurora italiane dhe karfica me safir do dalin në ankand me vlerën 1.5 milionë dhe 3 milionë $
Një diademë italiane e cila daton që nga shekulli i 19-të pritet të dali në ankand në Gjenevë. Kurora përmban diamante dhe perla dhe është në shitje me një çmim të vlerësuar prej 1 milion Dollarë deri në 1.5 milion Dollarë. Gjithashtu në ankand pritet të dali edhe një karficë me safir Kashmiri 25,97 karat më i madhi që është shfaqur ndonjëherë.
Një kurorë e kaluar nëpër breza të familjes mbretërore të Italisë do të dalë në një ankand të bizhuterive Sotheby’s në Gjenevë javën e ardhshme.
Kurora e cila daton në gjysmën e dytë të shekullit të 19-të, ishte një dhuratë martese për Maria Vittoria dal Pozzo pas martesës së saj në 1867 me Amadeo I të Savojës.
Diadema përmban diamante dhe perla dhe është në shitje me një çmim të vlerësuar prej 1 milion Dollarë deri në 1.5 milion Dollarë.
Benoit Repellin, shefi i shitjeve madhështore të xhevahireve në Sotheby’s është shprehur se është ndër kurorat më të bukura dhe më historike e cila ka qëndruar në Shtëpinë e Savojës për mbi 150 vjet.
Në ankand pritet të dali gjithashtu edhe karficë që ka diamante të mëdhenj dhe gurë të çmuar me ngjyrë blu. Karfica daton që nga vitet 1930 dhe ka safirin më të madh të Kashmirit me peshë 25,97 karat më i madhi që është shfaqur ndonjëherë në ankand .
Ajo mund të arrijë 2 deri në 3 milion dollarë nëse arrin të shitet në ankand . Karfica me diamante i përkiste një trashëgimtareje të një fabrike birre. Safirët e Kashmirit janë shumë të kërkuar pasi ato u zbuluan në fund të shekullit të 19-të dhe minierat u shfrytëzuan vetëm për 20 vjet.
Klan News