Kompania gjermane akuza Mark Zuckerberg: Të nderuar që na vodhi logon

[Kresha]

Kompania “Facebook”, ndryshoi emrin në Meta disa ditë më parë, por edhe logon. Një kompani farmaceutike gjermane, ka akuzuar gjigantin e teknologjisë se i ka vjedhur logon aplikacionit të saj për migrenën.

“Ne jemi shumë të nderuar që Facebook ndjehet u frymëzuar nga logoja e aplikacionit tonë të migrenës. Ndoshta ata do të frymëzohen edhe nga procedurat tona të privatësisë së të dhënave”, ironizon kompania Sense.

Mark Zuckerberg deklaroi se ndryshimi erdhi pasi emri Facebook nuk përfshin çdo gjë që po bën kompania.

"Ne jemi një kompani që ndërton teknologji për t'u lidhur. Së bashku, më në fund mund t'i vendosim njerëzit në qendër të teknologjisë sonë. Dhe së bashku, ne mund të zhbllokojmë një ekonomi krijuese masivisht më të madhe. Për të reflektuar se kush jemi dhe çfarë shpresojmë të ndërtojmë,” Tha Zuckerberg.

Riemërtimi është pjesë e përpjekjeve të kompanisë për të zhvendosur idenë e të qenurit i njohur si thjesht një kompani e mediave sociale dhe për t'u fokusuar në planet e Zuckerberg për ndërtimin e Metaverse.

Çfarë është Metaverse?

Sipas Mark Zuckerberg, deri në vitin 2031 ne të gjithë do të jetojmë dhe punojmë në metaverse, një seri botësh virtuale të cilat do të bëhen platforma më e rëndësishme e teknologjisë së re që nga zbulimi i internetit. Ai është i bindur se kjo është e ardhmja, saqë këtë javë Facebook njoftoi se do të krijojë 10.000 vende të reja pune në BE të dedikuara për ndërtimin e metaverse.