Nuk jeni të detyruar të përdorni Google Chrome ose Samsung Internet vetëm sepse është shfletuesi i parazgjedhur në pajisjen tuaj Android. Mund ta ndryshoni në shfletuesin tuaj të preferuar të palëve të treta brenda disa sekondash.
Përpara se të vazhdoni, duhet të keni të instaluar të paktën dy shfletues në telefonin tuaj. Nëse nuk keni ndonjë tjetër përveç atij të paracaktuar, zgjidhni një dhe instaloni atë si çdo aplikacion nga Play Store. Më pas ndiqni këto hapa në telefonin tuaj Pixel, transmeton Telegrafi.
Hapni aplikacionin Setting dhe prekni Apps. Më pas zgjidhni Default apps dhe prekni Browser app. Tani thjesht zgjidhni shfletuesin tuaj të preferuar të internetit dhe jeni gati.
Nëse keni një telefon Samsung, aplikacioni Settings mund të duket ndryshe për shkak të ndërfaqes One UI, por hapat që duhet të ndiqni janë kryesisht të njëjtë. Ja çfarë duhet të bëni:
Hapni aplikacionin Settings prekni Apps. Zgjidhni Choose default apps dhe prekni Browser app. Në faqen tjetër, zgjidhni shfletuesin e dëshiruar të internetit dhe dilni nga menyja.
Mund të ndryshoni gjithashtu aplikacione të tjera të paracaktuara në Android nga faqja e cilësimeve të aplikacioneve të paracaktuara. Kjo nuk vlen vetëm për telefonat Samsung dhe Pixel, por edhe për pajisjet e tjera Android. /Telegrafi/