ISIS godet Barcelonën - 13 të vdekur

[Universal]

ISIS godet Barcelonën - 13 të vdekur

Skenari i Londrës-Nice-Berlin-Stockholm përsëritet edhe në Las Ramblas,Barcelonë.

Incidenti ndodhi vetëm pak caste më parë ,kur një furgoni i marrë me qera nga i dyshuari kryesor Driss Oukabir vërshoi drejtë këmbësorëve në një ndër zonat turistike më të populluara të Barcelonës,duke vrarë 13 njerëz e plagosur 80 të tjerë,sipas raportimeve numri i viktimave pritet të rritet.

Terro Van

Policia ka arrestuar dy orë pas sulmit Driss Oukabir, emigrant maroken i cili jetonte legalisht në Spanjë
ndërsa një i dyshuar i dytë ka mbetur i vrarë gjatë përleshjes me forcat e policisë në një qytet vetëm 7 milje larg Barcelonës.

Në sulmin terrorist besohet se janë përdorur dy furgonë të ndryshëm një për të kryer sulmin dhe i dyti për tu larguar nga vendngjarja.

I menjëhershëm ka qënë dhe prononcimi i autoriteve spanjolle , Joaquim Forn ministër i brendshëm dënoi ashpër sulmin terrorist për të cilin përgjegjësinë tashmë e ka marrë shteti islamik - ISIS.

Gjithashtu edhe presidenti amerikan Donald Trump dënoi sulmin terrorist dhe deklaroi mbështetjen e plotë të Shteteve të Bashkuara të Amerikës drejtë autoriteteve dhe kombit spanjoll, krahas liderëve të tjerë si Angela Merkel , Theresa May , Emmanuel Macron.

E gjitha bota në solidaritet për Las Ramblas !

 

[Universal]

Sulmi terrorist në Barcelonë, shqiptarja filmon ndalimin e të dyshuarit


Një shqiptare punonjëse e një dyqani në vendngjarje ka dëshmuar të gjithë ngjarjen madje dhe momentin e arrestimit të të dyshuarit.

Dëshmitarja që e ka filmuar këtë video dhe shume turistë të tjerë kanë dhënë dëshminë e tyre në polici.

Ndërkohë Ambasada e Shqipërisë në Madrid i bëri thirrje të gjithë shtetasve shqiptarë që të shmangin shëtitoren e Las Ramblas në Barcelonë ku pasditen e së enjtes ndodhi sulmi terrorist si dhe të ndjekin udhëzimet e autoriteteve lokale.

Ministria e Jashtme bën me dije se nuk ka informacione për viktima shqiptare. Ministri Bushati dënoi këtë akt barbar duke shprehur solidaritetin me popullin spanjoll dhe ngushëllimet familjeve të viktimave./topchannel

 

[Universal]

Nëna e terroristit të sulmit të Barcelonës: Djali të burgoset ose të vdesë
16:59, 20/08/2017

Nëna e terroristit Younes Abouyaaqoub – personi që dyshohet të ketë qenë në timonin e furgonit të përplasur mbi njerëzit e pafajshëm në Barcelonë – i bëri thirrje të birit t’i japë fund arratisë e të dorëzohet tek autoritetet. Pohimin për agjencinë e lajmeve “Reuters” e bëri një kushërirë e 22-vjeçarit.

“Ajo do që ai të shkojë në polici e të dorëzohet. Vet e ëma e tij preferon ta shohë më mirë në burg, ose të vdekur, sepse nuk dëshiron të shohë e të dëgjojë për vrasje të tjera”, tha mbesa.

Qyteti i Ripollit, i ngritur në kodrinat e Pirenejve pranë kufirit francez, është kthyer në epiqendrën e hetimit, si zona ku jetonin katër të dyshuarit me origjinë marokene.

Dokumentet që “Reuters” ka mundur të shohë tregojnë se, veç Abouyaaqoub, lista e policisë e të përfshirëve në sulme përmban edhe emrin e 17-vjeçarit, Moussa Oukabir, atë të 18-vjeçarit Said Aallaa dhe Mohamed Hychami, 24 vjeç.

Të premten, një apartament i këtij qyteti u bastis nga forcat e rendit, të lëshuara në gjuetinë e bashkëpunëtorëve të mundshëm, e ku është zhvilluar i nënti kontroll i befasishëm.

Shefi i policisë së Katalunjës nuk e përjashton mundësinë, që Abouyaaqoub të ketë kaluar tashmë në territorin francez.

Ekspertët mendojnë ndërkohë se atentati në Barcelonë dhe incidenti në Cambrils mund të kenë pasoja në të ardhmen e Katalunjës, përpjekjet e së cilës për pavarësi rrezikojnë të marrin një goditje të fortë.

Ato tregojnë se rajoni autonom ka një problem sigurie, ndërsa shtypi vendas pretendon se zyrtarët atje nuk i respektojnë prej muajsh më udhëzimet e Madridit. /TCh/

 

[Rrelse]

Tani pikesynimi drejt Italise.