Phil Abiodum kaloi disa muaj për të krijuar modelin ‘Phase 1’, por nuk e realizoi deri në fund pasi një prej punëtorëve të garazhigt ia vodhi. Ai nuk e harroi kurrë punën që bëri në automjet në vitin 1999 duke përfshirë dhe modifikimet e brendshme, transmeton oranews.
Habia erdhi kur zbuloi kofanon e makinës në një faqe të një specialisti të markës Renault, i cili e kishte nxjerrë në shitje.
Së bashku me të ishin dhe pjesë të tjera që i kishte modifikuar, të cilat ishin në treg për 1 mijë paund.
“Në atë kohë, makina kushtonte rreth 1.500 paund. Tani duhet të jetë pjesë e një koleksionuesi dhe duhet të ketë vlerën rreth 12 mijë paund. E kisha marrë në garazh për ta lyer. Nuk po nxitoja se po punoja dhe me makina të tjera. Pas disa muajsh shkova të shoh dhe pyeta për personin që do kujdesej për të. Më thanë se ishte larguar dhe kishte lënë disa pjesë aty. Dikush i mori të gjitha këto falas”, tha Phil.
Policia bëri kërkime për këtë rast, por nuk arriti ta zbardhte ngjarjen për të rënë në duart e hajdutit.