Pas golit të bukur dhe deklarimit të Januzajt
Në kuadër të Kampionatit Botëror ”Rusi 2018” mbrëmë kombëtarja e Belgjikës shënoi fitore kundër Anglisë me rezultat 1-0.
Golin e vetëm në ndeshje e shënoi futbollisti me prejardhje nga Kosova që luan për kombëtaren e Belgjikës, Adnan Januzaj, i cili i dhuroi fitore kombëtares belge.
Lidhur me golin e Januzajt, ka reaguar boksieri i njohur nga Kosova, Haxhi Robin Krasniqi, i cili ka përgëzuar Adnanin për golin e bukur.
Haxhi Krasniqi më tutje ka shkruar se edhe Adnan Januzaj është i yni dhe do të vijë dita kur do ta dëshmojë këtë.
Ndërsa, në postimin e Krasniqit, ku shihet Januzaj pas shënimit të golit, ka reaguar edhe lojtari, i cili i ka komentuar boksierit të njohur, duke i paraqitur emojin e forcës, zemrës dhe flakës.
Ndryshe, pas deklarimit të fundit të Adnan Januzajt se ai është belg dhe ndihet i tillë, ka pasur reagime të shumta.
The post Haxhi Krasniqi: Adnani është i joni, nuk do ta besoni se si reagon Januzaj appeared first on Lajmi i Fundit.