“Dashuri e pastër”/ Burri shtatshkurtër dhe gruaja me përmasa të mëdha, njihuni me çiftin e pazakontë
Ndoshta trupat e tyre janë të ndryshëm, sa i përket madhësisë, por kjo nuk përbën asnjë problem për dyshen që po çmend rrjetet sociale.
Bëhet fjalë për të ashtuquajturën Kim Kardashian Afrikane, modelen Eudoxie Yao dhe partnerin e saj nga Guinea Grand P.
Ky i fundit, i cili njihet si një këngëtar, ka treguar detaje nga jetesa me You dhe të gjitha paragjykimet që ndeshin çdo ditë.
“Faleminderit atyre që na mbështesin. Ne dashurohemi marrëzisht dhe pastër. Fiziku nuk është kriter në një marrëdhënie. Dashuria jonë është shumë e fortë dhe kjo ka rëndësi. Ne duhemi shumë”, ka thënë Grand P.
Të shumtë janë personat që mendojnë që dyshja ndodhen bashkë për arsye komerciale, pasi në rrjete sociale numërojnë miliona ndjekës. Por çifti sistematikisht ka konfirmuar të kundërtën, e prej më shumë se një viti janë duke shijuar romancën e tyre.
