Çmenduria për futbollin! 2 tifozë francezë kaluan tre muaj duke udhëtuar drejt Katarit me biçikletë
Dy tifozë të ‘çmendur’ për futbollin, Mehdi Balamissa dhe Gabriel Martin udhëtuan nga Franca në Katar me biçikletë.
Duket e pabesueshme, por ata kaluan plot tre muaj duke udhëtuar 7,000 kilometra me biçikletë për të arritur në Katar 2022 dhe për të parë Francën.
“Ishte një ide e çmendur, por ne jemi lloji i njerëzve që kemi ide të mëdha dhe nuk pendohemi,” tha Balamissa, teksa të dy folën për CNN Sport një ditë pasi mbërritën në destinacion.
Dyshja nisën udhëtimin e tyre të madh në Stade de France në Paris, shtëpia e kombëtares franceze dhe përfunduan në stadiumin Lusail, vendi që do të presë finalen në Katar 2022.
Edhe vitin e shkuar, ata udhëtuan me biçikletë nga Franca në Itali për të parë vendin e tyre duke luajtur në Ligën e Kombeve të UEFA-s vitin, ndërsa këtë vit ata donin të testonin veten me një udhëtim shumë më të gjatë.
Pas mbërritjes, Federata Franceze e Futbollit (FFF) i ka ftuar ata të takojë ekipin dhe u ka siguruar biletat për të tre ndeshjet e saj.
Dy çiklistët hasën shumë probleme gjatë rrugës, duke përfshirë ndërrimin e disa gomave. Ata ‘luftuan’ përmes nxehtësisë së shkretëtirës në Arabinë Saudite, si dhe zonave pyjore të përmbytura në Hungari, ndërsa bënë rrugën e tyre për në Katar, duke u ndalur në kampingje, shtëpiza dhe hotele për të fjetur.
Teksa i afroheshin destinacionit të fundit, atyre iu bashkuan rreth 20 çiklistë francezë dhe katar.
Top Channel