CELINE DION DIAGNOSTIFIKOHET ME SINDROMËN E RRALLË, ANULON KONCERTET
Celine Dion njoftoi të enjten në mëngjes se ajo është diagnostikuar me sindromën e personit të ngurtë (SPS) dhe do të shtyjë ose anulojë shfaqjet e saj.
“Unë kam qenë duke u marrë me probleme me shëndetin tim për një kohë të gjatë dhe ka qenë vërtet e vështirë për mua të përballem me këto sfida dhe të flas për gjithçka që kam kaluar,” tha ajo e përlotur në një video të postuar në rrjete sociale, media.
“Kohët e fundit jam diagnostikuar me një sindromë shumë të rrallë neurologjike, e cila prek diçka si një në një milion njerëz,” vazhdoi ajo, duke shpjeguar se është kjo gjendje që ka shkaktuar të gjitha “spazmat” që ajo ka pasur.
Sindroma e personit të ngurtë shkakton ngurtësi dhe spazma në trung dhe gjymtyrë, sipas klinikës Clevelad. Me kalimin e kohës, muskujt e këmbëve bëhen të ngurtë të ndjekur nga muskujt e tjerë duke përfshirë krahët dhe fytyrën.
Këngëtarja e “Power of Love”, 54 vjeç, tha se gjendja e ka bërë të vështirë ecjen dhe e ka penguar atë të këndojë ashtu siç është “më parë”.
“Gjithçka që di është të këndoj,” tha ajo. “Kjo është ajo që kam bërë gjatë gjithë jetës sime dhe është ajo që më pëlqen të bëj më shumë”.
Ajo e mbylli videon e saj duke thënë se nuk do të jetë gati të rifillojë turneun e saj në Evropë në shkurt, transmeton ‘klankosova’.
“Ka qenë një luftë,” tha ajo, duke shtuar se ajo ka “shpresa” për shërim me ndihmën e trajtimit të vazhdueshëm.
Shfaqjet e këngëtares për pranverën e vitit 2023 janë shtyrë për në vitin 2024 dhe ajo anuloi tetë nga shfaqjet e saj të verës 2023.