Belgjikë/ 11 vëllezër e motra kanë emrin nga 4 shkronja të njëjta. Çifti belg në pritje të fëmijës së 12-të, nisin ‘bastet’ në rrjet
Alex, Axel, Xela, Lexa, Xael, Xeal, Exla, Leax, Xale, Elax dhe Alxe. Këta janë emrat e 11 fëmijëve të parë të Gwenny Blanckaert, 32 vjeçe dhe Marino Vaneeno, 39 vjeç, një çift belg në pritje të fëmijës së tyre të 12-të.
Dhe gjithashtu për foshnjën që është rrugës, emri do të zgjidhet nga kombinimi i katër shkronjave të vetme të përdorura deri më tani për vëllezërit e motrat e tij: A, E, L dhe X. Historia e familjes së madhe, e cila vjen nga Flanders dhe është bërë virale, ka ngjallur kureshtjen e rrjetit, i cili po vë bast për emrin e radhës.
Me radhë, Alex është 13 vjeç, Axel 12, Xela 11, Lexa 10, Xael 9, Xeal 8, Exla 5, Leax 4, Xale 2, Elax 1 dhe së fundi, Axle i vogël prej vetëm 6 muajsh. Për të 12-tin në ardhje, emri është ende një mister, ndaj në rrjetet sociale kanë nisur aludimet.
Për prindërit, siç kanë pohuar vetë, emri i fëmijëve nuk ka qenë kurrë një problem “kreativ”. Probleme praktike, nga ana tjetër, ngrenë mësuesit e institutit që ndjekin fëmijët. “Pesë prej tyre janë në të njëjtën shkollë komunale,” shpjegon Gëenny për Linfo.re, gazetën online që tregoi e para historinë e tyre.
"Balkanweb"