Telefoni i serisë Apple iPhone 14 pritet në gjysmën e dytë të vitit, por këto pajisje tashmë janë objekt i thashethemeve dhe spekulimeve të ndryshme.
Informacioni i fundit përmend se Apple do të rrisë kapacitetin e memories. Blogeri koreano-jugor “yeux1122” vuri në dukje se iPhone 14 do të ketë 8 GB RAM.
Denoncuesi e mbështet pretendimin e tij në informacionin nga zinxhiri i furnizimit. Ai shton se komponentët e memories për iPhone 14 Pro janë konfirmuar dhe se orari i prodhimit masiv po afrohet.
Së fundmi, analisti Jeff Pooh konfirmoi të njëjtin informacion, megjithëse ai përmendi më herët se iPhone 14 Pro do të ketë 6GB RAM.
Thashethemet e deritanishme kanë përmendur se iPhone 14 Pro do të ketë një kamerë 48MP, që është sensori me numrin më të madh të pikselëve që do të shfaqen në çdo iPhone deri më tani. Gjithashtu theksohet se seria iPhone 14 do të ketë vetëm modele eSIM.
Ndryshimet e mundshme të dizajnit në serinë iPhone 14 mund të përfshijnë një kamerë të përparme të modifikuar, ku tani mund të gjenden dy hapje për sensorët që përputhen. /Telegrafi/