Akti i parë si President/ Bajram Begaj dekreton ndryshimet në qeveri
Dekretimi i ndryshimeve në qeveri, është akti i parë që përmbush Bajram Begaj në Postin e Presidentit të Repbulikë, detyrë të cilën e mori pas 24 korrikut të këtij viti.
Kreu i shtetit dekretoi sot shkarkimin nga detyra të Arben Ahmetaj si Zëvendëskryeministër dhe ministër i Shtetit për Rindërtimin dhe Programin e Reformave, si edhe emërimin Belinda Ballukut edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë.
Njoftimi i plotë:
Presidenti i Republikës, Bajram Begaj, pas administrimit të propozimeve të Kryeministrit dhe shqyrtimit të tyre, ka dekretuar shkarkimin e z. Arben Ahmetaj nga detyra si Zëvendëskryeministër dhe ministër i Shtetit për Rindërtimin dhe Programin e Reformave.
Presidenti i Republikës, ka pranuar propozimin duke dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë.
Top Channel