Përdoruesit e shërbimit Google’s Photos më në fund do të jenë në gjendje të dërgojnë të gjithë përmbajtjen e tyre mediatike të mbledhur atje drejtpërdrejt në “iCloud Photos” të Apple.
Vegla e transferimit të Google Photos në iCloud Photos ofrohet përsëri falë grumbullit të Projektit të Transferimit të të Dhënave (DTP) me burim të hapur të Iniciativës së Transferimit të të Dhënave (DTI) që i pari bëri realitet transferimet reciproke nga iCloud Photos në Google Photos.
Bëhet e ditur se mjeti i ri do të jetë i disponueshëm duke filluar nga java e ardhshme, shkruajnë mediat e huaja, përcjell Telegrafi.
Si të transferoni koleksionin e Google Photos në iCloud Photos?
Nëse keni një iPhone të ri dhe dëshironi të sillni përmbajtjen tuaj të Google Photos në iCloud, ja çfarë duhet të bëni:
Shkoni te Google Takeout dhe zgjedhni albumet që dëshironi të eksportoni;
Zgjidh Apple – iCloud Photos si shërbim importi dhe regjistrohu me Apple ID-në tënde;
Prek “Allow” për të lejuar Google të shtojë foto dhe video në iCloud.
Përndryshe, zgjidhni “Photos” nën shërbimet e Google dhe klikoni në “Transfer data”.
Apple thotë se do të merrni një email konfirmimi kur të përfundojë transferimi i fotove, ndërsa Google kujton se kjo mund të zgjasë disa orë deri në disa ditë, në varësi të madhësisë dhe kompleksitetit të transferimit. /Telegrafi/