“Putini u çmend”! Serbët “tradhtojnë” Vuçiç dhe ngrihen në protesta të mëdha: Mbani duart larg Ukrainës!
Presidenti serb, Aleksandar Vuçiç, gjatë ditës së djeshme ka pohuar se nuk do t’i vendos sanksione Rusisë pas pushtimit të Ukrainës.
Por, qytetarët serbë kanë protestuar në qendër të Beogradit, gjegjësisht organizatorë të demonstratës ishin “Gratë në të zeza”.
Të mbledhurit mbajnë pankarta ku shkruhej “Putin, mbaji duart larg Ukrainës”, “Ndal luftën në Ukrainë”, “Gratë në të zeza kundër luftës”, “Putini u çmend”, “Stop Putin, ndalo luftën”.
Theksojmë se kjo organizatë e grave disa herë ka protestuar duke kërkuar që të zbardhet fati i të pagjeturve shqiptarë që humbën jetën gjatë gjenocidit serb në Kosovë.
Ndryshe, Rusia tash e tre ditë ka filluar pushtimin e shtetit ukrainas, të cilën gjë e kanë dënuar shtetet Perëndimore.
"Balkanweb"