Ishte përfolur për të qenë kapiten i skuadrës për sezonin e ardhshëm, por lojtarët e Partizanit nuk kanë zgjedhur Lorenc Trashin.Klubi i Partizanit ka bërë me dije që Alban Hoxha do të jetë kapiteni i ekipit në edicionin e ri futbollistik. Pas një votimi të fshehtë, lojtarët kanë zgjedhur pikërisht “gardianin” e njohur për të mbajtur shiritin. Në kanalin zyrtar në facebook bëhej me dije:
” Alban Hoxha do të jetë kapiteni i skuadrës në sezonin e ri futbollistik 2018 -2019. Portieri titullar, i cili prej 5 vitesh është pjesë e Partizanit do të mbaj në krah shiritin e kapitenit, duke filluar nga ballafaqimet e Europa League përballë NK Maribor.
Vendimi është marrë pas një votimi të fshehtë organizuar brenda ekipit dhe lojtari i cili ka marrë numrin më të madh të votave ishte Alban Hoxha”, shkruhet në lajmërimin e klubit të kuq.
The post Partizani zgjedh zëvendësuesin e Idriz Bathës, kapiten nuk do të jetë Lorenc Trashi appeared first on Lajmi i Fundit.