I intervistuar me mikrofonët e TNT Sports, “Pipita” kthehet prapa: “Sëmundja e nënës sime ishte një gjë e tmerrshme, isha afër largimit nga futbolli. Vazhdova, sepse ajo më tha të mos e braktisja sportim e zemrës, futbollin. Ajo më solli në jetë dhe, në një profesion të tillë, duhet të keni njerëz të mirë në anën tuaj”.
Shpesh, gjatë sezonit, Higuain iu desh të përballet me kritika të shumta: “Zakonisht, kritikët kanë qëllime të mira, të sulmojnë për golat që nuk keni shënuar, por jo për 300 gola të tjerë, që keni bërë”. Tani është koha për Kupën e Botës me Argjentinën: “Ideja ime është ta ndihmoj “seleccionin”, gjithmonë i japim gjithçka vendit tonë”.