PSG është sot për sot klubi më i fuqishëm në botë që po mbledh në skuadër yjet më të mëdhenj të futbollit botëror.
Mes yjeve që ka mbledhur ky ekip, është edhe një djalosh shqiptar, 14 vjeçar.
Quhet Endri Çelaj dhe së fundmi është federuar si futbollist tek ekipi i famshëm francez.
Ai eshtë aktualisht pjesë e ekipit Kombëtar U-15 të drejtuar nga Eqerem Memushaj, ndërsa pritet të këtë një të ardhme të shkëlqyer në futbollin europian.
Çelaj po vijon karrierën e tij në akademinë e PSG, më shpresën që një ditë të jetë pjesë e ekipit të parë, ku luan dhe idhulli i tij Kilian Mbappe me të cili ka shkrepur edhe një foto.
Djaloshi shqiptar është ndjekur nga afër edhe nga ish futbollisti i kombëtares Edvin Murati, i cili gjithashtu ka qenë pjesë e skuadrës së PSG dhe punon aktualisht në këtë shtet.