Legjenda portugeze, ka deklaruar se Real Madrid vitin e kaluar ka pasur vitin më të mirë në histori të klubit, teksa ka shtuar se ata kanë forcën për të fituar për të tretën herë radhazi këtë trofe, diçka që nuk e ka bërë asnjë skuadër.
“Viti i kaluar për Real Madridin ka qenë më i mirë në aspektin e titujve”, ka deklaruar Figo për ‘Goal.com’. përcjell lajmi.net.
“Pesë tituj në një vit, është diçka e mahnitshme. Natyrisht, në futboll nuk mund të fitosh çdo herë, por Real Madridi është klubi më i madh në botë”.
“Ata gjithmonë punojnë për t’u bërë më të fortë, dhe me siguri do të bëjnë diçka në tregun e transferimeve në janar, për t’u përforcuar e për të arritur qëllimet e tyre, për të fituar Ligën e Kampionëve dhe çdo garë tjetër ku është e mundur”, ka shtuar Figo./Lajmi.net/