Një nga idetë më interesante të Elon Musk është Starlink, një ofrues interneti i bazuar në satelit që lidh të gjithë botën me shumë satelitë të vegjël që ai lëshoi në stratosferë gjatë dekadës së fundit.
Dhe siç shkruajnë mediat e huaja, përcjell Telegrafi, në shumë vende, ky shërbim është tashmë funksional dhe po funksionon mjaft mirë në zona të largëta.
Duke pasur parasysh ndërprerjet e shumta të internetit midis Ukrainës dhe Rusisë, ka shumë që nuk janë në gjendje të mbajnë komunikim me atë që po ndodh në të dy vendet.
Ministri i Ukrainës për Transformimin Dixhital, Mykhailo Fedorov, vendosi t’i marrë gjërat në duart e tij.
Ai “kontaktoi” Elon Musk përmes Twitter për të kërkuar ndihmë në formën e internetit falas përmes Starlink.
Kjo është ajo që ai shkroi: “Elon Musk, ndërsa ju përpiqeni të kolonizoni Marsin – Rusia përpiqet të pushtojë Ukrainën! Ndërsa raketat tuaja zbarkojnë me sukses nga hapësira – raketat ruse sulmojnë njerëzit civilë ukrainas! Ne ju kërkojmë t’i siguroni Ukrainës stacionet Starlink”.
Musk-ut iu deshën gati 12 orë për të dalë me një përgjigje, por më në fund ai e bëri. /Telegrafi/