Befason Borussia, gati për të rivalizuar me Bayern (FOTO)

[centos]

Drejtuesit e Borussia Dortmund kanë shfaqur interes për të nënshkruar me trajnerin e Napolit, Maurizio Sarri, i cili gjithashtu kërkohet nga Chelsea.

“CalcioNapoli24.it” shkruan, se verdhezinjtë e shikojnë Sarrin si trajnerin ideal për ta rikthyer skuadrën në nivelet më të larta.

Në fakt, në ditët e fundit, Dortmund paraqiti një ofertë për trajnerin italian, me vlerë prej gati 4 milionë euro për sezon, plus mundësinë e marrjes së stafit të tij me vete.

Klubi gjerman do të duhet të paguajë 8 milionë euro për Napolin për të nënshkruar me Sarrin, pasi kjo është shifra e vendosur në klauzolën e largimit, që ka në kontratën aktuale 59-vjeçari.

Presidenti Aurelio De Laurentiis pak ditë më parë deklaroi për mediat në Itali, se nëse Sarri i kërkon largimin ai është i gatshëm të ndërpresë bashkëpunimin me të./lajmifundit.al